سألوني انا من وين-علي حسين حبوس

المكتب الإعلامي للجبهة الشعبية لتحرير فلسطين، بيروت، لبنان
13-02-2021
سألتني جارتي انت من وين؟؟
قلتلها انا من الشعب يلي بيقطف ورق العنب وبيعمل فيه أطيب أكلة بالعالم ما رح يجوع.
من الشعب يلي جمع السمسم مع نبات الزعتر البري و بذور شجرة السماق و اخترع الزعتر....ما رح ينتصر عليه الجوع
من الشعب يلي طحن الحمص والفول وخلطهم مع كمون و قلاهم بالزيت واخترع أطيب سندويشة فلافل ...ما رح ينام جوعان
بلدي يلي فيها شجر الزيتون والجوز و التفاح والبرتقال والليمون والمشمش و التين والعنب ....يلي فيها القمح وفيها التنور ناطر الضيوف على الطرقات حتي يعطيهم أطيب خبز .....ما رح تسمح للجوع يزورها
اللي فيها مزارع... الارض تعطي خير على قد حبنا الها ...
رجعت وقالت يعني من وين ...؟؟؟
قلتلا.. بتسمعي عن بلد الأنبياء.. وأرض المحشر والمنشر.. والأقصى.. والقدس.. والخليل
وحيفا ويافا..وغزة العزة..وصفد ودلاتا..
والبحر والسما الزرقا..
والناس الطيبين.
أنا من هناك..
مطرح مالغيمات بتشتي
دفا ووفا....
وزيتون وقمح وحنّون..
وبيارات عشق وليمون..
أنا من لون الشمس..
والطين..والعكوب..
وكروم العنب والتين..
من أرض جدي.. وحكايات ستي..
و البواب المعطرة
بريحة الهندبة.. وفطاير الكشك وزيت الزيتون..
ضحكت وقالتلي.. عرفتك ...تسلملي و
يسلمولي أهل فلسطين


التعليقات المنشورة تعبر عن رأي أصحابها


الأسم *
البريد الألكتروني
البلد *
التعليق *
رمز الحماية: أكتب الثلاثة أرقام السوداء فقط captcha image
New Page 1