بيت الرفيق- قصيدة لعماد البرغوثي- قرية كوبر-الضفة الغربية

المكتب الإعلامي للجبهة الشعبية لتحرير فلسطين، بيروت، لبنان
15-07-2020
لا تسألوا عن بيتنا بأيَ طريق
خلوا حجارو غافية أحسن تِفيق
غفيت بعد مرسال حبرو من غبار
رغم التعب لْحجار بتغازل رفيق
بتُذكر حبيبي وقت مَ كنتو صغار
تيجي بحدي تقول يا بيتي العتيق
ترسم بشي فحمات واللوحة جِدار
حدود الخريطة وصرت تاخذها شهيق
ونسمة زفيرك عالقة بريحة سجار
كَنك جيفارا ماخذو بمربى عريق
وترسم علامة إيد تعطي الانتصار
وضو السِجارة ال عاكسو يعطي بريق
هلأ انا لوحات عا داير مدار
حب الوطن سيال من جسمي رحيق
بدي خلايا تزورني متحف اثار
عِشرة لقاح التضحية مش بالدقيق
بعدي انا غفيان متلحف حجار
وتعانقو اللوحات والمطرح يِضيق
سقفي امومةِ نازلةِ تحت الدمار
تحمي الارض مَالأرض معناها عميق
مطرح مَكان البيت رح يبقى عَمار
غسان لوحة كاتبو بعقلو الطليق
فكر الوطن سقفو سما شو يسقطو
وبيتي وطن لا تسألوا بأيَ طريق



التعليقات المنشورة تعبر عن رأي أصحابها


الأسم *
البريد الألكتروني
البلد *
التعليق *
رمز الحماية: أكتب الثلاثة أرقام السوداء فقط captcha image
New Page 1